كتبت: إسراء عبد العزيز
صرح المخرج محمد سامي عن رأيه في مسلسل "سيد الناس" والانتقادات التي واجهها، رغم تحقيقه نسب مشاهدة مرتفعة خلال عرضه في موسم رمضان الماضي.
وقال سامي خلال لقائه في برنامج "الصورة" مع الإعلامية لميس الحديدي:
"أكبر غلطة عملتها في نفسي إني قدمت مسلسلين في رمضان، كنت مشتت جدًا، وده خلى تركيزي يقل. المسلسلين نجحوا بس أنا مش راضي عن نفسي."
مستكمل توضيحه:
"مسلسل (إش إش) نجح أكتر، لكن (سيد الناس) أنا ظلمته. لو كنت بعمله لوحده كنت هطلعه 10 مرات أحسن، لأني مكنتش مركز 100%، رغم إني تعبت فيه، بس في حاجات كانت محتاجة مني تركيز أكتر."
وتحدث سامي عن أكثر أعماله قربًا لقلبه قائلًا:
"أعمالي الناجحة مش هي الأقرب لقلبي، لأني لو عملت عمل من اللي بحبهم أوي ممكن يسقط. أنا بحب الشغل اللي شبه المسلسلات الأجنبية بس بخاف أقدمه، وكل ما بنجح بخاف أكتر."
و تكلم سامي عن تجربته السابقة قائلًا:
"لما عملت (كلام على ورق) اتمسح بيا الأرض، ومن وقتها بقيت بخاف من التجريب."
وفي ختام الحوار، سألته لميس الحديدي عن أعماله الأشهر مثل "جعفر العمدة" و**"الأسطورة"** و"إش إش" و"سيد الناس" و"نعمة الأفوكاتو"، ليجيب بصراحة:
"لا، ولا واحد فيهم الأقرب لقلبي.. والأقرب لقلبي غالبًا لو عملته هيقع."