كتبت: إسراء عبد العزيز
نفى الفنان عمرو سعد ما تردد مؤخرًا عن وجود خلاف بينه وبين المخرج محمد سامي، مؤكدًا أن العلاقة بينهما جيدة.
وقال عمرو سعد خلال لقائه مع موقع الفن اللبناني:
"محمد سامي لسه مكلمني، وبيكلمني كل يوم في حاجات كتير جدًا بتطلع، وأنا لا ألتفت للسوشيال ميديا على الإطلاق".
واستكمل:
"أنا بعتبر كل فنان مصري أو عربي بيقدم قيمة، حتى لو مختلف معاه، فوق دماغي، لأن أهم حاجة بتأثر في وجدان الشعب هي الفن. أي فنان ليه جمهور وبيأثر في الناس، حتى لو بيسليهم بس، دي حاجة كبيرة جدًا. أنا معنديش صراعات من أي نوع، وبحب أشتغل في هدوء، عشان كده بتطلع عني إشاعات كتير ومعظمها مش صحيح".
وعن الأجور بين النجوم، أوضح عمرو سعد أنه لا يهتم بتلك التصنيفات قائلاً:
"أنا مبعتبرش نفسي الأعلى أجرًا، ومعرفش زمايلي بياخدوا كام، بس المنتجين بيقولولي كده. أنا مش مهتم بالحكاية دي، ولا عمري صرحت بحاجة زي دي. حتى لو عندي أعلى مشاهدة أو أجر، أنا شايف إن النجاح لحظة وعدت، والمهم اللي جاي، لأن أي نجاح بيحملني مسئولية وأي فشل كمان بيعلّمني".
وفي سياق اخر، يُذكر أن عمرو سعد شارك في موسم رمضان 2025 بمسلسل "سيد الناس"، من تأليف وإخراج محمد سامي، وبطولة إلهام شاهين، ريم مصطفى، أحمد زاهر، أحمد رزق، إنجي المقدم، منة فضالي، خالد الصاوي، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، جوري بكر، وغيرهم.