كتب/ البدر رمضان
وجه ياسين مرعي، مدافع نادي فاركو، رسالة وداع مؤثرة إلى جماهير النادي وزملائه، بعد انتهاء رحلته التي استمرت أربع سنوات داخل جدران الفريق، وقبل انضمامه الرسمي للنادي الأهلي خلال فترة الانتقالات الصيفية الجارية.
وقال مرعي في رسالته:
"بعد أربع سنين من العمل والمواقف والتجارب، حان الوقت أقول شكراً من القلب لفريق فاركو.. الفترة دي كانت أكتر من مجرد شغل، كانت عيلة حقيقية، مليانة دعم ومواقف ودروس هتفضل معايا طول العمر."
وأضاف:
"شكراً لكل حد اشتغلت معاه، لكل كلمة دعم، ولكل لحظة تعبنا فيها مع بعض علشان ننجح. أنا فخور إني كنت جزء من الفريق ده، وفخور بالإنجازات اللي حققناها سوا. الوداع مش نهاية، هو بداية جديدة على أرض ثابتة، وهفضل دايمًا ممتن لذكريات الأربع سنين اللي فاتوا.. فاركو، شكرًا من القلب."
وتأتي هذه الرسالة بعدما أنهى الأهلي إجراءات ضم اللاعب، في صفقة شهدت اتفاقًا مباشرًا بين الكابتن محمود الخطيب رئيس النادي الأهلي، ونظيره في نادي فاركو، مقابل 40 مليون جنيه، على أن ينضم ياسين مرعي لتدريبات الفريق الأحمر مع بداية الأسبوع المقبل.