كتبت / روان عبدالعزيز
أُصيبت الفنانة داليا البحيري أثناء عرضها لمسرحية "سيدتي أنا" بتمزق في أوتار يدها بعد وقوعها على المسرح وتحميل كامل جسدها كله على كفي يدها.
و مسرحية "سيدتي أنا" بطولة داليا البحيري، نضال الشافعي، وإخراج محسن رزق، والقائم بالموسيقى محمود طلعت، وأُخِذَ العرض من الأصل من رائعة برنارد شو "بجماليون"، وقد قام به في عام 1969 الفنان فؤاد المهندس، شويكار بعنوان سيدتي الجميلة.
وقامت بنشر صورة للأشعة التي قامت بإجرائها للتأكد من سلامة يدها على حسابها الشخصي على تطبيق الانستجرام مُعلقة على الصورة :"حادثة صغيرة على ماقسم كده، اختل توازني على المسرح ووقعت واقعة جامدة حبيتين…نزلت بكل حملي على ايدي وحسيت برجة جامدة في دماغي…وجع رهيب ايدي ورمت قلت بس انا اتكسرت".
واستكملت شرح حالتها للجمهور بحديثها :"كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام ادي إلى أن العضمة اتحركت من مكانها ياختييييي في …كل ده تمام والف حمد والف شكر انها بتيجي على قد كده، المشكلة بقي يا جماعة في اني اكتشفت اني مش عارفة اعمل أي حاجة بمعني أي حاجة من غير الصباع ده، لا عارفة البس ولا اقلع ولا افتح ازازة الماية مش عارفة اشيل حاجة مش عارفة افتح باب العربية ولا أي أكره، و مش عارفة اسرح شعري ولا اغسل وشي ولاااا أي حاجة …وكمان مش عارفة اعمل scroll، مش عارفة اعمل like …آه والله ال Like بتوجعني جدا …بس برضو الحمد لله دائمآ وأبدآ …ما يقع إلا الشاطر".