كتبت/ حنين دسوقي
قدمت زوجة في الثلاثينات من عمرها طلب خلع من زوجها أمام محكمة الأسرة في الكيت كات وذلك بعد زواج دام 4 سنوات، حيث قالت في الشكوى سبب الخلع أنه "رومانسي زيادة عن اللزوم" وأنها ترغب في زوج قاسي وشديد في الحديث.
قالت الزوجة "أنا عايزة الحياة فيها توابل كدة شطة نتخانق من فترة لفترة، لكن علطول هدوء ومفيش مشاكل ومش بيتعصب لدرجة شعوري بأنه بارد وضعيف الشخصية".
وتابعت "جوزي اتقدم لأهلي وكان شاب محترم ومتدين واكبر مني ب 9 شهور، وافقت واتخطبنا وجهزنا الشقة مع بعض علطول بيتناقش معايا بكل هدوء مفيش عصبية خالص حتى في الخناقات".
واضافت " اتجوزته وفضلنا 4 سنين مع بعض، بحاول في الخناقات اعصبه عشان يكون قاسي لكن ديما يلم المشكلة سواء غلطان أو لا، وعلى فكرة هو بيغير عليا جدا وصارم وشديد في قراراته في شغله مع الناس، لكن معايا بيكون رومانسي ديما لكن أنا عايزاه عنيف يتعصب عليا ونتخانق بعد كدة يرجع يصالحني".
وأنهت حديثها قائلة "اقعدت معاه كتير افهمه اني عايزاه عنيف وشديد معايا في المعاملة، لكن هو مش عايز كدة، فطلبت منه الانفصال فرفض وحاول يلم المشكلة بطريقته اللي مش بحبها، فرفعت عليه دعوى خلع".