كتبت / نيرة ابراهيم
تسلمت أسرة محمد عادل المتهم بقتل نيرة أشرف طالبة المنصورة، جثمانه من مشرحة مستشفى المنصورة، بعد تنفيذ الجهات المعنية قرار المحكمة بإعدامه شنقا في اتهامه بقتل نيرة أشرف.
و من جانبه قال والد نيرة أشرف المقتولة على يد الطالب محمد عادل: أنا بحمد ربنا بنتي دلوقتي هتستريح في تربتها ، وإن ربنا رجع لها حقها وهتستريح في فرشتها دلوقتي الحمد لله.
وأوضح والد نيرة أشرف في تصريحات خاصة ، بعد تنفيذ حكم الإعدام في محمد عادل اليوم: بنتي مش هترجع تاني ، وأنا مش فرحان لكن ده عدل ربنا، عشان أحسن إن بنتي أخدت حقها، وهي دلوقتي أكيد مرتاحة في تربتها.
وتابع: أنا هروح لبنتي القبر وأقولها حقك رجع، والحمد لله كل الاتهامات اللي الناس اتهموا بيها بنتي ربنا أخد حقها وربنا ينتقم من أي حد جاب سيرة بنتي، وأسرته هما اللي عملوا كده عشان يطلعوا ابنهم على حساب سمعة بنتي.
وأضاف والد نيرة أشرف: دائما كنت متردد على قبر نيرة بنتي في زيارة أسبوعية إلى قبرها كل يوم جمعة.
ونفذت الأجهزة المختصة صباح اليوم، حكم الإعدام بحق محمد عادل المدان بقتل الطالبة نيرة أشرف، أمام بوابة كلية الآداب بجامعة المنصورة في محافظة الدقهلية، وذلك بعد رفض الطعن المقدم من قبل المتهم.