كتبت /ميرنا محمود
مصر عبارة عن كنز حقيقي وكل مابنتعمق فيه بنعرف قد ايه عظمة وشعبها ومليانة تنوع وفنون وعادات وتقاليد بتميزنا عن اي دولة تانية
مصر متنوعة في التراث في كل مكان تراث مختلف والتراث ليه جوانب كتيرة من ازياء مختلفة ومأكولات شعبية وماكولات تراثية وفنون شعبية وموسيقي ورقص وطقوس للافراح
هكلم عن حاجة حاجة
اول حاجة الازياء:الأزياء في مصر فيها ازياء تراثية كتير جدا مش مجرد واحد لا كتير في مختلف المحافظات زي(التلي الاسيوطي_الزي الفلاحي في بعض مدن الدلتا_الجرجار النوبي_الزي السيناوي_الزي السيوي_الزي الاسكندراني المشهور بالملاية اللف والبرقع)
والماكولات المصرية الشعبية زي(الفتة _المسقعة الكشري_الفول_الطعمية...وحلويات ام علي والقنبلة
وفي ماكولات تراثيةزي(الشلولو في الصعيد _خبز الدوكة في النوبة_سريديا في السويس_العصيدة في اسوان )
جانب الفنون بقي كبير جدا ومهما هتكلم فيه مش هعرف اعطيه حقه مصر ام الفنون والمسرح والاب الحقيقي للفنون
الفنون كتير جدا واشكالها كتير جدا من حرف يدوية زي الخرز والخزف والفخار..وموسيقي واغاني زي السمسمية في مدن قناة والاغاني الريفية الموجودة لحد دلوقتي في الافراح زي(كايدة العزال_يابو اللبايش ياقصب_ع الزراعية يارب اقابل حبيبي)
والصعيد والربابة الجميلة وهواية التحطيب في الافراح وسيناء والاغاني البدوية والنوبة والاغاني النوبية الي ديما تتغني وقت الافراح
ومن ضمن الفنون الحلوة وجود العاب للاطفال زي الاراجوز الي بيعد من رموز الالعاب التراثية
ومن ضمن التراث المصري العريق الحنة الي لسه بنعملها لحد دلوقتي بس غيرنا فيها لكن الموروث هو اغاني الحنة التراثية في النوبة(الليلة الحنة وبكره الدخلة..يابنات الحنة)
وشادية وهي بتغني ياحنة ياحنة ياقطر الندي