حوار / ليزا زغلول
اليوتيوب موقع كبير أوي لو دخلت فيه من غير دليل ممكن تتوه احنا النهاردة جايبنلك ترشيح عن أفضل قنوات الرعب الصاعدة اللي بتحاول تثبت وجودها علي الساحة
في البداية أستاذ محمد عرفنا علي نفسه وقال ان اسمه بالكامل محمد فوزي يحيي، من محافظة الغربية تحديدًا مدينة زفتى، المؤهل بتاعي بكالريوس هندسة وتحكم آلي..
لما سألته عن اقتحامه لمجال الاذاعة علي اليوتيوب وضح ده وقال انه هو بيحب الاذاعة وكان عاوز يخوض التجربة وفعلا نجح فيها وأثبت انه مذيع متميز.
أي حد بيكون ليه مثل أعلى وناس بيفضل انه يسمعهم فسألته عن الناس اللي بيسمعلهم وقال انه بيفضل جويلي وخيري في المجال الاذاعي.
لما سألته ليه اختار أدرنالين كاسم لقناته علي يوتيوب قال ان في علاقة وثيقة بين الرعب والادرنالين، سألته هل ممكن يقدم محتوي تاني غير الرعب فقال انه لو لقي محتوي مناسب ممكن يقدمه بغض النظر عن اتجاه القناة بتاعته.
محمد فوزي دخل المجال ده لأنه بيحبه لما سألته عن النصيحة اللي ممكن يقدمها لأي حد حابب يدخل المجال الاذاعي قال انه بيوصي أي حد يجتهد ومييأسش ويطول باله..
قناة ادرنالين بلس هتلاقي عليها قصص رعب حقيقية ومستوحاة ومؤلفة.
اخر سؤال ختمت بيه ليه أدرنالين بلس مش غيرها، ازاي تشجع أي حد يدخل القناة عندك..
عندي تيم كويس جدًا وأقلامهم حلوة، بحاول أقدم محتوي متنوع رعب نفسي ودموي وجن وعفاريت وفانتاززيا وجريمة، تقدري تقولي ان ادرنالين بوابة لعالم مختلف.