بقلم / نورهان عبده
احمد شوقي قال بيتين شعر حلوين اوي
" هجرت البعض طوعاً
لاني رأيت قلوبهم تهوى فراقي
نعم اشتاق لكن
وضعت كرامتي فوق اشتياقي
وارغب وصلهم دوماً
لكن طريق الذل لا تهواه ساقي "
وبصراحه انا مفهمتش الجملة دي غير متأخر جداً بعد ما كنت اتاذيت وعديت وبعد ما كنت بخلق اعذار ومبررات لأي موقف او حاجة تحصل من ناس عزيزة وقريبين مني ، ف العموم اصلا اي حاجة بتأذينا وتوجعنا بتكون من اقرب ناس لينا .
بس انا بعد ما اتاذيت واتوجعت واتحملت وصبرت بما فيه الكفايه لحد ما تعبت وجبت اخري قررت ان اي حد هيجي عليا او يفكر بس مجرد تفكير انه يجرحني هكون طلعته من حياتي قبل ما يكون نفذ اللي ف دماغه اصلا ، بقيت بفكر ف نفسي قبل ما افكر ف اي حد تاني لان بصراحه مفيش حد بيفكر فيا قبل ما يعمل الحاجة اللي بتوجعني ف عشان كده اي حاجة ف داهيه قدام راحتي وسلامي النفسي وسعادتي ..