أجري الحوار : عمر آدم ، إعداد صحفي : أسماء محمد .
تعريف بالشاب المصري محمد حازم ؟
انا إسمي محمد حازم المعروف إعلامياً ب " مو حازم " لاعب كرة قدم للساق الواحده في نادي المقاولين العرب و يوتيوبر و ممثل أفلام قصيرة .
إزاي قدرت تتعامل مع الإبتلاء في البداية و تقبلت الأمر إزاي بعد كدا ؟
حمدت ربنا و رضيت بلي ربنا كتبهولي و إستمريت في حياتي و دراستي و مستسلمتش للحياه و من أول لحظة في الحادث و أنا متقبل و راضي الحمد لله .
هل شايف إنه الحادث دا يعتبر نقطة تحول و صنع شخصية محمد حازم اللي عليها دلوقتي ؟
أكيد كان ليه تاثير كبير بس كل دا يرجع لإرادة ربنا و حكمته و أنا صبرت و إتحديت و بحب نفسي و نجحت و كل دا بفضل ربنا و ربنا ديماً بيحبب الناس فيا بالقبول .
هل وجدت صعوبة في ممارسة حياتك الطبيعية بعد الحادث ؟ واي دور أهلك وأصدقاء في رحلتك ؟
في البداية كنت فقدت الكثير من الدم و غير فترة علاج تأهيل كبيره عشان أخرج من المستشفي مكنش سهل إن أرجع للحياه وجهت صعوبات في المشي و كنت بمشي بعكاز واحد و كنت بتعب بس مع الإرادة و العزيمة قدرت أمسك عكازين و أمشي بيهم و لمسافات طويلة و قدرت إن أمشي من عكاز لوقت واقف من غير عكاز كمان لفترة طويله و نيجي لدور أهلي كانو ديما جنبي و بيدعموني و كانو ديما يقولولي أنت ربنا بيحبك أنت أحسن من أي حد و بالنسبة لأصدقاء إن يكون ليهم دور في رحلتي لكن لا يوجد أصدقاء .
قدرت ازاي تتغلب علي نظرة المجتمع و تدخل في مجال صناعة المحتوي ؟
نظرات المجتع كاد تكون محرجة بس كان لازم أعمل محتوي مختلف حاجة جديدة محدش شافها قبل كدا فأول ما دخلت السوشيال ميديا عملت فيديوهات محدش من ذوي الإحتياجات الخاصة معندوش إرادة يعرف يعملها بدأت أقدم محتوي رياضي و كمان قدمت محتوي يدل علي الإرادة و العزيمة و الصبر و عدم الخوف من أي شيء .
ازاي بدأت في مسيرتك كصانع محتوي على السوشيال ميديا و نجحت إزاي في جذب المتابعين ليك ؟
بدايتي كانت زمان لما كنت بعمل محتوي رياضي و لما عملت لبسج بدأت شهرتي و مبعتبرش بدايتي في الشهرة في السوشيال ميديا عندما كنت بقدم لبسنج إن أنا كدا كنت صانع محتوي بدايتي كصانع محتوي في السوشيال ميديا عندما طلعت موهبتي في التمثيل و بدأت أقدم محتوي يفيد الناس و المجتمع و بدأت أجذب المتابعين و حبهم ليا يزيد .
إي النصيحة اللي تحب توجهها لكل الشباب اللي بيعانو من نفس المشكلة من ذوي الإحتياجات الخاصة ؟
أحب أقولكم متخفوش إعملو كل حاجه نفسكم تعملوها و إفتكرو إن لا حياه مع اليأس و لا يأس مع الحياه عيشو حياتكم و أخرجو للمجتمع الحياه واحدة و هنعيشها مره واحدة .
