كتبت : رحمة احمد
فتاه مصريه من نوع اخر تنفرد وتغرد عبر صفحات السوشيال ميديا بالترويج للسياحه المصريه وتبدع بلمساتها السحريه وتنقل الثقافات المختلفه حيث انها اول فتاه مصريه تعمل على تعليم اللغه الألمانيه للمصرين عبر صفحتها على مواقع التواصل مجانا وتروج للألمان باللغه المصريه وتدعوهم للسياحه بمصر منه زهيرى من مواليد محافظه القاهره تبلغ من العمر 20 عاما وانفرد جورنال بحوار خاص مع الشابه المبدعه وإليكم نص الحوار
ما هو محتواكي؟
=تعليم اللغة الألمانية و نقل الثقافة الألمانية للشباب العربي والمصري ونقل الثقافة المصرية أيضا للمتابعين العرب والألمان والترويج للسياحة المصرية.
هل ليكي هدف من ده غير انك تنقلي الثقافة الالمانيه لمصر والعكس؟
=الهدف الرئيسي هو نقل الثقافة الألمانية للشباب العربي والمصري على حد سواء لأن الثقافة الألمانية ثقافة عمل والتزام وهذا ما ينقصنا في وطننا العربي وأنا بنتقي الثقافة الألمانية الملائمة لعادتنا وتقاليدنا وإللي هتضيف لينا
تآني هدف تسليط الضوء على النماذج الناجحة المصرية والعربية في المانيا لإعطاء الشباب العربي والمصري دافع قوي للنجاح
تالت هدف عكس الثقافة المصرية للشعب الألماني نظرا إن هناك متابعين ألمان وده الهدف إللي أنا شغالة عليه إن يكون هناك ملتقى ثقافي بين الشباب المصري والألماني
بتواجهك اي صعوبات في كدة؟
=لا الحمد لله مفيش أي صعوبات واجهتني بالعكس لقيت دعم من أهلي والمتابعين من مصر والدول العربية والألمان نفسهم
لأن حاولت أستخدم السوشيال ميديا بطريقة هادفة صحيحة عن طريق تقديم محتوى هادف.
هل اهلك هم الداعم الرئيسي اللي معاكي؟
آه بالظبط أهلي الداعم الرئيسي ليا وكمان المتابعين.
ماهى طبيعه دراستك والفرقة ؟
كلية أداب قسم ألماني الفرقة الرابعة.
ممكن توضحيلنا ازاى فى فرقة رابعه وعندك 20 سنه؟
آه عشان دخلت المدرسة في سن صغير.
هل لديك هدف للربح اكثر ام المساعده ؟
لما أنشأت الصفحة حتى الآن بعلم الآخرين بفيديوهات مجانية
هدفي هو مساعدة الآخرين بنقل خبرتي في تعلم اللغة الألمانية و الثقافة بهدف غير ربحي وهدفي الرئيسي هو استخدام السوشيال ميديا بطريقة هادفة و صحيحة.
ما هو مخططك القدام ؟
=مخططي الجاي بعمل على إنشاء ملتقى شبابي بين الشباب الألماني والمصري لنقل الثقافة الألمانية بين ألمانيا ومصر وده هيخدم المشروعات القادمة إللي بتعملها مصر مع ألمانيا زي مشروع القطارات السريعة و الطاقة إللي تقوم بها ألمانيا في مصر لشركة سيمنز
وده إللي متماشي مع رؤية ٢٠٣٠ إللي تقوم بها مصر.
هل بتفكري انك تعملي مكان خاص بيكي لكورسات لغة الالمانيه ؟
=ده هدف من أهدافي ولكن الهدف الرئيسي هو إنشاء مركز ثقافي شامل لتبادل الخبرات بين الشباب المصري و الألماني في مختلف المجالات العلمية و الفنية والصناعية والثقافية والتعليمية.
ماهى الانجازات اللي بتفتخري بيها؟
=الإنجاز الحمدلله إني قدرت أبني مجتمع على السوشيال ميديا يحوي متابعين مصريين وعرب وألمان ونتبادل فيها الثقافات كما قلت في بداية حديثي بنقل الثقافة الألمانية للشباب العربي والمصري والعكس صحيح بنقل الثقافة المصرية للمتابعين العرب و الألمان وأروج للسياحة المصرية.
مين قدوتك ف الحياه ؟
والدي الله يرحمه ووالدتي.
عندك اخوات؟
آه أخ في اعلام وأخت في تجارة انجلش.
واختتمت الحوار اتمنى من المسؤلين فى الدوله تشجيع الشباب اكثر واكثر وبتمنى من كل الشباب اللى يقدر يساعد حد يساعده لوجه الله.