بقلم / د.زينه احمد زايد
حاسه دايما اني معنديش اي طاقه
ولا مستمتعه بأي حاجه فاقده احساسي بأي حاجه حلوة ..مهما حصل انا مش مبسوطه ..حاسه اني تايهه
في حاجه ناقصه ومش عارفه احددها...علاقاتي بالناس بنهيها ..باكل كتيير جدا...وبقيت مدمنه سوشيال ميديا
مش عايزة اسإل علي حد ولا فارقلي حد يسأل عني
عايزة اكون لوحدي دايما. حتي وانا وسط ناس انا جوايا اني وحدي ..حاسه هفضل كده علطول ..انا تعبانه ومتلخبطه.
ده غالبا احدي حالات الفراغ النفسي اللي في احيان كتيير بتوصلنا لكده و مسببتها كتيير غير طبعاعدم الاشباع النفسي واحساس القبول والمحبه في الطفوله...
بيكون احيان كتيير التعرض للصدمات وخذلان كتيير من غير ماتقفي تفسري وتفهمي. او حتي تتطبطي علي نفسك ماشيه ..بتغطي علي جراح ملوث من غير تنضيف..
ضغوطات كتيير مريتي بيها ومش عارفه بردوا تتعاملي معاها احيانا مش عايزة تعترفي بيها حتي لنفسك عشان تباني القويه
وهتلاقي نفسك بتتدمني شويه سلوك تهربي بيه من الواقع او تاخدي فتفوته متعه مؤقته زي الاكل والسوشيال و..و.
اولا : ...حلو جدا ادركك للي انت فيه ..لان ادراك الشخص لما بيمر بيه واعترفه بيه ده اولي خطوات الحل والوعي
ثانيا : لازم تقعدي مع نفسك يوميا فتره لاتقل عن نص ساعه تسالي نفسك ليه انا بحس ده ؟وبهدوء و في وقت هادي مش ابدا وقت الانفعال
وتسألي نفسك هل تكرار الكلمات السلبيه او تكرار مشاعرك السلبيه ..ايه فايدته ليكي ؟ هتلاقي الاجابه ولاحاجه فنتوقف عن ذكر مشاعرنا وكلماتنا السلبيه .
ثالثا : خطوات الخروج...اكتب اي شيء بسيط كان بيسعدني قبل كده في ليست كل الأشياء حتي لو فنجان قهوه احاول غصب عني اخد خطوه ناحيه نشاط او اشخاص جدد لازم اكتب ده بالورقه والقلم لتغيير مسارات التفكير من السلبي للايجابي
اعرفي انك طبيعي انك في مرحله مش سهله بتشيلي الجبل واحده واحده...ولأن للاسف في الحاله ده الدوبامين في الارض فمش هيراضيكي في الاول شعور السعاده البسيطه بس اوعدك هيزيد شويه شويه
رابعا قللي النقد لنفسك.
خامسا دايره دعم واعيه ممكن فرد قريب واعي ثقه او متخصص.
خامسا احاول اقلل اي دايره سلبيه وابعد عنها
خامسا بعد الاستمرارية في ده وممارسة اكتب بالورقه والقلم يوميا التطور ولا حتي بسيط جدا جدا.
سادسا : استوب علي تركيز اني لازم اكون مثاليه ولازم لكل حاجه لابلاش.. هنتدرب سوا علي اننا نقبل القصور
سابعا.....اسمي بالظبط اللي بيحصل ..يعني انقل
الوضع اكنه كاميرا فيديو دون تهويل او تهوين
ثامنا ..والأهم...التقرب الي الله
ربنا يخفف عنك وعن كل من يعاني
ويرزقكم الراحه والقبول