كتبت _ فاطمة علي البدري
استنكر الإعلامي عمرو اديب، عدم منح بعض المؤسسات الإعلامية الخاصة، فرصة اختبار للشباب لمدة تتراوح بين 3 او 4 أشهر فقط معلقا ( التليفزيون خبرات كبيرة اوي.. ده انا لغاية دلوقتي بغلط وبتلخبط ولحد دلوقتي بعمل مشاكل انا مش عبقري اوي، باقيلي سنة بالكتير و ابطل إعلام ، ده لو كملتها كمان ) بحسب تعبيره.
وكشف ( اديب ) خلال برنامجه الحكاية الذي يعرض علي قناة( ام بي سي مصر ) ، إنه بدأ حياته المهنية صحفيا الي ان جاءته فرصة للعمل في قناة أوربت وكانت أعجوبة وقتها.
وقال ، إنه كان يعتقد أنه سيعمل معدا، ولكنه فوجئ انه سيعمل مذيعا، و ذهب لمدينة الإنتاج الإعلامي مضيفا:( عمري ما وقفت أمام كاميرا في حياتي ولا تكلمت في ميكروفون ولا اعرف بيتكلموا ازاي، وكان حينها المذيعيين يتكلموا باللغة العربية مش بالعامية زيي كدة دلوقتي، و مكنش في مذيع امين وأصلع، كان لازم المذيع يكون جان ) .
ونعي الإعلامي عمرو اديب خلال البرنامج، المخرج السعودي عبدالله باجسير الذي وافته المنية أمس، قائلا إن باجسير اول مخرج عمل معه، وهو من احتضنه، و عمله ، و له فضل كبير عليه، معلقا ( طلعت قماش بفضل المخرج عبدالله باجسير ، وكان يقولي بس للكاميرا ولحد دلوقتي مش ببص للكاميرا ، اقوله مبعرفش، فكان يسبني علي راحتي ويقولي خلاص متبصش قول اللي كاتبه ) .
وأشار إلي، عدم وجود إدارة حريصة علي استمرار عمل الشباب وظهور مذيعين جدد ، قائلا ( ليه مفيش مذيعين جداد ، ومن فترة هما للاسف علي قلبكم نفس المذيعين وانتم متضايقين منهم يعني ، لأن الله حباني بناس قالت لي اشتغل ، نيلت الدنيا وبردو قالولي اشتغل ، طلعت علي الهواء وغلقت واشتغلت ) ، معلقا ( أعطوا فرصة للشباب الجدد ) .
و لفت الي ان ادارة "اوربت"اصرت علي استمراره في العمل حتي تحول من تقديم برنامج أسبوعي، الي تقديم برنامج يومي، مدينا بالفضل الي المخرج السعودي الراحل عبدالله باجسير .
وتابع ( علمني وسابني علي راحتي ، قال لهم يا جماعة الخير هذا الولد هو كدة سيرته محدش يضايقة، أعني عائلته ومن يعرفهم وكل التلاميذ ، انا أحد تلاميذه وفضله علي راسي العمر كله ).
ومن الجدير ذكره أن الإعلامي، قد تحدث في حلقة سابقة يوم الاحد 1 أكتوبر لعام 2017 من برنامج ( كل يوم ) الذي كان يقدمه علي قناة ( اون ) ، إنه سيعمل الإعلام حال التحقق في أمر ( القمامة ) .
موضحا ، يجب أن نهتم بمسألة الزباله.. وانا مش حاسيب موضوع الزبالة دا يا قاتل يا مقتول ، وأن شاء الله تكون اخر سنه ليا في الإعلام، ولما ولادي يسألوني ليه اعتزلت ؟ اقولهم عندما جمعنا القمامة في مصر .