كتبت _ نرمين محمود سعدالدين
أوضحت الفنانه شيرين عبدالوهاب حقيقه علاقتها بزوجها السابق حسام حبيب وما دار بينهما خلال فترة زواجهما وما تبعها من أزمات تداولتها وسائل الإعلام خلال الفترة الأخيرة، وذلك أثناء مداخلتها الهاتفيه مع الإعلاميه لميس الحديدى ببرنامج" كلمه أخيرةعلى فضائيه on".
أبرز تصريحات للفنانه شرين عبدالوهاب خلال مداخلتها الهاتفيه:
1:إطلاق لقب صوت مصر عليا حاجه كبيرة.
2: انا أسفه إني بتكلم فى موضوعي والبلد فيها مشاكل أكبر بكتير، وحاسه إني موضوعي بؤخ.
3: بستغفر ربنا لأنى كدبت فى حاجات كتير اوى لإنى بنت أصول، عشان أرفع صورة إنسان يمكن يتجوز ويبعد عنى.
4:كنت محبوسه فى أوضه نومى 24 ساعه فى اليوم.. وعايشة مع زوج مبيشتغلش.
5: كنت قاعده فى امان الله مع عيالى اللى شايفين الويل، وسافرنا الساحل.
6: كنت فاكرة إنى بحاول أحافظ على بيتى.. بس مكانش بيت، كان مصيده فران.
7: جانى بلاغ بسرقه سيارتى كانت مكتوبه باسم حسام حبيب، وطلع هو اللى سرقها.
8: الناس فاهمه كويس انى كنت بكدب عليهم، وكنت عايشة مع راجل مش بيشتغل وكل همه حب الامتلاك.
9: أنا خدامه الراجل اللى أعيش معاه، وده مش عيب... لكن لاقيت نفسي من بعد الكورونا بتدمر.
10: قالو إن حسام حبيب كتف شيرين وحلق لها شعرها، وبالفعل هو اللى حلقلي شعرى.
11: شوفت أيام سوده مع حبيب.. وبعد الطلاق ومحاوله الرجوع فتحنا شركه هو رئيس مجلس إدارتها.
12: خرجت من علاقتى مع حسام حبيب بالوكسه والندم.. وعملتله محضر بعدم التعدى.
13: أنا اتهنت اوي وهاخد حقي.
14: أنا غلطانه وحقكم عليا.
15: أنا ست قويه واتظلمت.. وظلمت نفسي.
16: حسام لازم يتعالج نفسيا.
17: أنا عاوزه حقى من حسام حبيب.