أجري الحوار : عمر آدم
عرفينا أكتر عن سماح عبدالله ؟
إسمي سماح أحمد عبدالله ، إسم الشهرة " سماح عبدالله " ، خريجة أكاديمية الفنون ، والدي الدكتور " أحمد عبدالله " كان ماسك فرقة " الإنشاد الديني " مع الأستاذ المايسترو " عمر فرحات " ، والدتي كانت في دار الأوبرا المصرية ، أختي معا خريجة أكاديمية الفنون قسم " كامنجا " .
كلمينا عن بداياتك في عالم الفن ؟
بدايتي في عالم الفن كانت على يد طبعاً والدي و والدتي ، من سن خمس سنين كانت أول أغنية أغنيها في دار الأوبرا المصرية ، بقيادة المايسترو " صلاح غباشي " على المسرح الكبير ، و بعدها عملت دوبلاج لفيلم " الأسد الملك " اللي هو كنت واخدة فيه بطولة و بعد كده عملت كذا حاجة مع " ديزني " طبعاً في " اكو ساوند " ، بعد كده مسكنا " ART " و عملنا إعلانات كتير أنا و أختي مها .
إي أول أغنية غنتيها في الأوبرا ، و مين كان حاضر ، و إي ردود أفعالهم ؟
أول أغنية غنتها كانت مع فرقة " الإنشاد الديني " كان مع المايسترو " عمر فرحات " ، إسمها " الرضا و النور " كانت للسيدة " أم كلثوم " ، الناس كانت مبهورة جداً ، و طلبوني تاني و ساعتها غنيت مع المايسترو " صلاح غبيشي " أغنية إسمها " الشمعتين " ، و لكن طلبوني مرة تالتة عشان يصوروا و حصل موقف غريب جداً عمري ما نسيته ؛ طبعاً ىما يكون ليك واسطة في مكان غير لما يكون باباك مدير الأوبرا ، فا وقتها الفنانة الجميلة " غادة رجب " كان معاها واسطة كبيرة أكتر مني فا طلعت هيا فا إتصورت و أنا ما لحقتش أتصور غير شوية عندي و خدت برضو نفس اللقب بالرغم إنها كانت أكبر مني في السن ، و اتعرفت أكتر مني للأسف الشديد يعني ، بعد دخلت الأكاديمية كان في دكتور عمري ما هنساه فضله عليا كبير بعد ربنا سبحانه و تعالى ؛ الدكتور " محمد عبدالستار " دخلني في فرقة " أم كلثوم " الي في الأكاديمية و كنت أنا اصغر بنت فيهم و إتبناني فنياً وقتها عمري ما هنسى تدريبه ليا و إنه حاول يخليني أشتغل ، و كان وقتها الفنانة " أصالة " عاملة أوديشن عايزة كورال ، و كان في كذا حد بيعرض صوته ، يعني رايحين مع فرقة و بنغني و قتها إختارت من كذا فرقة و من الفرقة بتاعتنا إختارتني أنا و مها أختي ، و بعدها دخلت دار الأوبرا المصرية .
هل شايفه إن قرارك إنك تسيبي الأوبرا صح ؟
بالنسبة لقراري إن أنا أسيب دار الأوبرا بعد ما قعدت فيها تقريباً ١٤ سنة كان قرار صعب جداً ؛ الوقت ده كان صعب جداً كان لازم أشتغل لأني كنت معتمدة على نفسي ، لازم أشتغل علشان أعرف أعيش ، و طبعاً جات لي كذا فرصة إنتاج و لكن للأسف كان فيها شوية حاجات مش عجباني ما كنتش قادرة إن أنا أتنازل يعني عن شوية حاجات ده مش معناه إن كل الإنتاج وحش لا طبعاً في إنتاج كويس بس لحد دلوقتي ما جاليش فرصة إنتاج مشرفة يعني ، فا كنت بشتغل ساعتها و بحاول أكبر نفسي إن أنا أشتغل مع " أصالة و شيرين و أنغام " و بحاول أجتهد .
كلمينا عن شغلك مع الفنانة أصالة ؟
طبعا شغلي مع الفنانة " أصالة " ده كان من أعظم الحاجات الي في حياتي و من أعظم الوقت و من أعظم أيام حياتي عمري ما هنساها ، أنا إجتهدت جداً اجتهدت جدا و كبرنا تقريباً سوا ؛ هي طبعاً قامه كبيرة بس كان آخر ١٦ سنة كانو هم بجد المجد لأصالة و أنا كمان كبرت معها لدرجة إني بقيت قائدة معروفة على مستوى العرب على مستوى الخليج . و أنا كنت بجتهد وده كان بيديني فرصة أغني مكانها وقت البروفات و كانت بتعتمد عليا إعتماداً كلياً .
كلمينا بقا عن أغاني و أعمال سماح عبدالله ؟
من فترة طويلة و أنا صغيرة جداً و أنا عاملة أغاني و كانت معروفة و كانت عاملة ضجة بس برضو للأسف ما خدتش حظها كانت في فيلم " أحاسيس " ، و عملت أغنيتين في فيلم منهم أغنية " جوة روحي " وقتها الأغنية كانت مكسره الدنيا و للأسف في ناس كتير مش عارفه إني أنا الي مغنيه الأغنية دي ، و أغنية " دوره انتهى " و عملت أغنية إسمها " هتقولي إيه " المفروض إن أنا إشتريتها بس ما عرفتش أجيب حقوقها و ساعتها في مطربة كان معها طبعا التنازل و هيا نزلت بصوتي الأول بس طبعاً حاجة مش بتاعتي فا بقيت أنزلها كفر لأنها مش مش معايا ورق بالأغنية و هيا علي موجودة علي جوجل ، و عملت اغنية من سنة إسمها " مش عايزاك " و لسه في أغنية إن شاء الله بنجهزلها إسمها " أنا مليت " ، قريب جداً هتسمعوها بإذن الله هتعجبكم .
كلمينا أكتر عن مواهب سماح عبدالله و هواياتها بعيد عن الغني ؟
أما عن هواياتي فأنا رقم واحد عاشقة للحيوانات بالدليل إن أنا خدت كورس ييطري برا مصر و خدته كمان هنافي مصر مع دكتور " كريم حجازي " ؛ فأنا بعشق حاجة إسمها الحيوانات و للاسف عندي مشكلة مع البلد إن هما دايماً بيسموهم و إن ما فيش رحمة و مفيش آدمية ، و متطوعة في جمعية " الرفق بالحيوان " من " ١٧ سنة " و بحب جداً للأفلام الكوري .