كتبت / مروه خليفه .
اهمله أو خليك جاف معاه وقاسي وياريت كمان تنتقده كتير
وتقارن بينه وبين اي حد من زمايله أو قرايبه
خليه يحس انه ولا حاجة أو اقولك حطه علطول في دور العبقري وأطلب منه طول الوقت يحقق لك ده ولو ماحققوش أفضل غضبان عليه وحسسه بالتقصير وماتسمحلوش ابدا انه يغلط عشان هو لازم يكون طفل كامل متكامل ويطلع زي ما انت عاوز وراسم في خيالك..
أو اقولك في طريقة تانية عكسية خالص
دلعه واعمله كل اللي يطلبه منك وخلي الكون يدور حواليه
لو عملت كدا أقدر أقولك مبروك كسبت شخص نرجسي هيعيش عمره كله يتغذى على إعجاب الناس ويصبح الناس والعلاقات في حياته أدوات لتوليد المدد النرجسي لذاته المهزوزة