حوار : كنزي سعيد
" شريف صبحي " ممثل مصري ، خريج كلية تجارة جامعة عين شمس ، متزوج و لديه ابن يبلغ من العمر ١٥ سنه ، اتجه إلي الإعلانات و الكليبات ثم درس التمثيل وكان أول ظهور له في فيلم " شيكامارا " عام 2007 و اول اعماله بالدراما مسلسل" شارع عبد العزيز " عام 2011 وومن اهم اعماله مسلسل " ابو العروسة "
و اليكم نص الحوار:
امتي اول مرة قدمت فيها مشهد تمثيلي؟ وكان ايه ؟ ومع مين ؟
اول مره قدمت فيها مشهد تمثيلي كان فيلم " شيكامارا " مع الفنانة مي عز الدين ، إخراج أستاذ ايمن مكرم ، وكان المشهد اللي نزل عليه كوميك و اتشهر جدا أيامها علي السوشيال ميديا المشهد اللي كنت داخل ل مي عز الدين بقولها I miss u ف ردت قالتلي I miss u too ف ماجد الكدواني قالي I miss u three وكان ساعتها الناس خدت المشهد ده واتعمل عليه كوميكات ، كان ده اول مشهد تمثيلي ليا.
و قبلها كنت عملت برنامج مقلب دوت كوم مع الاستاذ " أشرف عبد الباقي "
مين هو ممثلك المفضل ؟ و المخرج المفضل ليك ؟
ممثلي المفضل " رشدى اباظة " و " احمد رمزى " دول بالنسبة للزمن القديم.
و حاليا كريم عبدالعزيز و احمد عز و السقا و كرارة و مكي يعني تقدري تقولي بحبهم كلهم
المخرج المفضل؟!
في مخرجين كتير طبعا زي أ/" مروان حامد " وأ " شريف عرفه " وأ/ " عمرو عرفه " و الاستاذ " تامر محسن " وطبعا في مخرجين كتير نفسي اشتغل معاهم .
اكتر الأعمال المفضلة لديك من أعمالك الفنية ؟
انا بحب كل الاعمال طبعا بس اللي ادانى فرصه يقدمنى للجمهور بشكل لائق وكنت انا إلي حد ما نضجت فنيا فيه كان مسلسل " ابو العروسه " و " ولاد ناس " طبعا المسلسلين دول مهمين جدا ف حياتي في الفترة الاخيرة و قدموني للجمهور بشكل لائق و الفضل ده يرجع للأستاذ " إبراهيم حموده " المنتج و الاستاذ " هاني كمال المؤلف و المخرج" هما الاتنين بعد ربنا في الموضوع ده .
مين الداعم الأكبر ل " شريف صبحي " ؟
الداعم الأكبر ليا هي زوجتي و ابني سليم
عايزة سرد لأعمالك الفنية ؟
بالنسبة لأعمالى الفنية انا ابتديت بفيلم " شيكامارا " في السينما و بعد كده شاركت في مسلسل " شارع عبد العزيز " الجزء الأول إخراج أستاذ " احمد يسري "
و مسلسل " طرف تالت " إخراج أ/محمد بكير
ومسلسل " علي كف عفريت " مع استاذ خالد الصاوي إخراج أ كمال منصور ،
و مسلسل " تفاحة آدم " بطولة أ خالد الصاوي أيضا وإخراج أستاذ " علي إدريس
و شاركت في مسلسل سجن النسا اخراج أ/كاملة ابو ذكري"
و مسلسل " الصندوق الأسود " بطولة " رانيا يوسف و تامر هجرس " اخراج أ/عادل الاعصر
و عملت فيلم " واحد صعيدي " مع الفنان محمد رمضان و إخراج أستاذ " إسماعيل فاروق "
و بعد كده عملت مسلسل " ابو العروسة " الجزء الأول و التانى و بعدين ولاد ناس و آخر حاجه " ابو العروسه " الجزء التالت .
و في وسط ما كنت بعمل الأعمال دى كنت باخد ورش تمثيل و بحاول اشتغل على نفسي ، ابتديت بورشة دكتور " محمد عبد الهادي في بداية حياتي المهنية
و توالت الورش حضرت اكتر من ورشة مع " مروة جبريل
ولوك لينير ورامي الجندى واخيرا مع دكتور " فريد النقراشي " .