كتبت أ/ إيمان عمارة
_متسأليش على حاجة متخصكيش .
_متكلميش الولاد في المدرسة ولا تلعبي معاهم .
_متدخليش في كلام الكبار عيب .
_بصي في الارض امشي بسرعة في الشارع.
_ادخلى اوضتك طول مافي ضيوف عندنا .
_الكلام دا عيب اوعى تقولى كدا تانى.
_مافيش خروج من البيت لوحدك .
_بتكلمى مين في الموبايل ورينى الرسايل .
_غيري الهدوم دى متلبسيهاش تانى .
_نادى اى ال تروحيه مينفعش .
_سينما لا طبعا حرام .
_انتى كبرتى لازم تلبسي حجاب .
_انتى بنت مينفعش تعملى كدا .
_الاغانى حرام اقفلى .
_كورسات اى ال هتخديها الاخر هتتجوزى وتقعدى في البيت .
_شغل لا مينفعش طبعا احنا مش حرمينك من حاجة .
_مينفعش يبقي لكى صحاب اولاد .
_جارتنا جايبالك عريس عايز يشوفك .
_غطي الخصلة ال طالعة من الحجاب حرام .
_ ان شاء الله السنة الجاية تكونى في بيت جوزك .
مافيش حب قبل الجواز .
_متتكلميش متضحكيش متهزريش مع حد متعرفيهوش .
نصائح لا تخلو منها معظم البيوت في مجتمعنا العربية تسمعها الانثي منذو طفولتها دون توجيه ودون معرفة السبب الا لأنها أنثي تلك الجمل قادرة على خلق اجيال من الإناث المضطربه نفسيآ وسلوكيآ بل والتى تعانى من العديد من الاضطرابات والمخاوف النفسية والاجتماعية والغير قادرات على الحياه بأمن وسلام مهدده دائمآ بالخوف هؤلاء الإناث كل محاولاتهم للوصول لطرق الحياة تبؤ بالفشل صراع بين مايرغبون به وما تتطلبه مرحلتهم العمرية وبين امكانياتهم المنعدمة الناتجة عن القيود التى جعلت منهم عاجزات عن تحقيق اى إنجاز لا ذنب لهن سوى في التنشئة الاجتماعية الخاطئة على ايد اباء وجدوا أن وأد الإناث نفسيآ أسهل من التربية السوية واقل جهدا ووقتآ .