كتبت : روان أشرف .
خالد كمال، ٢٥ سنة ، خريج كلية تجارة وإدارة الأعمال جامعة حلوان شعبة محاسبة ، أعزب
من هو الداعم الأكبر ل "خالد كمال " ؟
الداعم الأول في حياتي واللي بيشجعني دايماً في أي حاجة بعملها هما أهلي وأصدقائي القريبين مني دول اكتر ناس بتشجعني ودايماً عايزين يشوفوني في كل جديد ودي من الحاجات اللي بحبها جداً .
هل كان حلمك التمثيل منذُ الصغر ام شئ أخر؟
طول عمري حلمي التمثيل من وأنا صغير عمري ما حلمت أني أكون حاجة تانية يعني أفتكر حتي وأنا صغير كانت أمنية حياتي وأنا طفل أني أحضر لويكشن تصوير والحمدلله اخدت خطوة في حياتي وقرار أني أعمل حاجة بحبها .
متي قدمت أول مشهد تمثيلي ؟ وماذا كان ؟
أول مشهد تمثيلي كان عندي ١٥ سنة كان فيلم كنغر حُبنا لرامز جلال وإخراج "أحمد البدري " .
ما هي أعمالك عبر مسيرتك الفنية ؟
الأعمال والأدوار التي تم المشاركة فيها مسلسل أفراح القبة ، مسلسل الجماعه الجزء الثاني ، مسلسل حكاية مرة ، مسلسل الحرير المخملي ، مسلسل اللعبة الجزء الثالث2022 ، مسلسل حلوة الدنيا سكر ، مسلسل ورا كل باب ، مسلسل القاهرة كابول ، مسلسل انحراف( رمضان 2022) ، بالإضافة إلي بعض الأفلام مثل فيلم كنغر حبنا ، فيلم مولانا ، فيلم شريط 6 ، فيلم الحارث ، فيلم ريتسا ، فيلم قصير مشروع تخرج جامعه مصر الدولية (عندما يموت هذا الرجل) ، بطولة حملة اعلان( uber bus ) ، بطولة اعلان معرض ابو حتة للسيارات ،بطولة اعلان the) investors bank ) العاصمة الإدارية الجديدة ، بطولة اعلان famous burger (السعودية) .
وذكر "خالد كامل " الورش التمثيلية والدورات الإخراجية خلال مسيرته الفنية مثل ورشة الأستاذ خالد جلال وورشة مروة جبريل، ورشة خالد ابو بكر ، ورشة خالد كمال k.k studio بالإضافة إلي كونه صاحب شركة kick k.k studio for media production .
عندما تنشهر وتنمو أعمالك، ماذا تريد أن تكون حينها ؟
عايز أكون زي ما أنا حتي لما أعمالي تكتر ولما أقدم حاجات أكتر من اللي قدمتها أكون خالد بس وأعبر عن نفسي دايماً .
من هو الممثل المفضل لديك ؟ ولماذا ؟
ممثلين كتير مفضلين بالنسبالي طبعاً الأستاذ الكبير " عادل إمام " ، والأستاذ "محمود حميدة " ،"باسم سمرة " ، الأستاذ "أحمد عز " بحبه جداً ،الفنانة "سوسن بدر " ومعظم الممثلين دي أنا مثلت معاها وأشتغلنا مع بعض وبحب "أمير كرارة " و " ماجد الكدواني " في اللي اشتغلت معاه وفي اللي محالفنيش الحظ .
في وقت الاستراحة القصيرة لمدة 5 دقائق خلال التدريب ماذا تفعل بها ؟
بسمع ميوزيك وأتابع السوشيال ميديا عندي شوية .
ماذا تفعل عندما لا تقوم بالتمثيل ؟
الوقت اللي مش بمثل فيه بكون موجود في شركتي اللي أسستها من سنة وكمان بدرب تمثيل .
ما هو العرض الذي كنت تتمني أن تفعله ؟
العرض اللي كان نفسي أعمله جداً أو أشارك فيه هو الملك لير علشان أنا بحب الأستاذ الدكتور العظيم " يحي الفخراني " .
ما أخر شئ تفعله قبل أن يتم رفع الستارة وتخرج علي خشبة المسرح ؟
بكون متوتر قبل ما أطلع المسرح وبسأل نفسي هستقبل الجمهور أزاي ورد فعل الجمهور هيبقا عامل ازاي وعلشان أتخلص من التوتر ده بقعد أقرأ قراءن وأستغفر وأسبح علشان ربنا يقف معايا .