كتبت - أميرة حسن
استمرار التحضير لمهرجان المزاريطة السينمائي الدولي حتى في الحلقة الـ 27 من مسلسل "الكبير اوي 6"، تحمّس النجوم لحضور المهرجان بعد اعتراضات واعتذارات عن الحضور في الحلقة السابقة بعد الإعلان عن حضور ليوناردو دي كابريو المهرجان.
وقام أحمد مكي في الحلقه بغناء "ألو.. ازيك يا.. و إزاي ماما" الخاصة بالإعلان الذي قدماه ياسمين عبد العزيز وكريم محمود عبد العزيز في شهر رمضان.
وتفاعلت ياسمين عبد العزيز مع هذا المشهد ونشرت الفيديو الخاص به على صفحتها بانستجرام معلقة "مكي العسل".
وكشف أوس أوس كواليس مشاركته في الموسم السادس من الكبير أوي، قائلا : الكبير أوي بنعتبره بيتنا والمخرج أحمد الجندي دايما بيشوفني في أدوار عجيبة وبيحطني في شخصيات مختلفة، وأول مرة ظهرت في الكبير أوي كنت عامل مخرج أمريكاني، والجزء اللي بعده جسدت شخصية واحد من كينيا.
وتابع : بستمتع بالشغل مع أحمد مكي وفي كيميا بينا، وبنتعلم منه وبيدي مساحة لأي حد بيقف قدامه وبيحاول دايمًا إن اللي معاه ياخد فرصته ومساحته، وردود الفعل اللي جات لي على شخصية ليوناردو دي كابريو أسعدتنى، وأنا بطبيعتى مش بهتم بالتريند ولكن يهمني إن الناس تتبسط.
ويشارك في مسلسل الكبير أوي 6 بطوله: أحمد مكي، محمد سلام، بيومي فؤاد، هشام إسماعيل، رحمة أحمد، سما إبراهيم، محمد أوتاكا، والعمل من تأليف مصطفى صقر، واخراج أحمد الجندي.