حوار /بسنت محمود
أجرى موقع جورنال 24 حوارًا خاصًا مع باسل المرسي مصمم الجرافيك الموهوب ليكشف لـ جورنال 24 عن بدايته في المجال وعن الأدوات الذى يستخدمها وعن الصعوبات الذى واجهها في بدايته ويوجهه خلال الحوار نصيحة للشباب الذين يريدون أن يبدوأ في هذا المجال.
إليكم نص الحوار:
•في البداية عرفنا بنفسك ؟
_باسل المرسي مشهور بـ "ديريمك"، مصمم جرافيك ورسام من القاهرة وعمري 19 سنة وبدرس في كلية حقوق.
•أحكيلنا عن بدايتك ؟
_ بدأت تقريبًا من 7 سنوات وبدأت شغلي بأحتراف لشركات من 3سنين، بدايتي كانت رسم علي الورق، كنت بحب الفن عمومًا بأشكاله من شعر و رسم و غيره، فكنت بمسك الورق و برسم أي حاجة تقابلني، ومع الوقت أتطور الموضوع و حبيت أدخل فالرسم الديچيتال و تصميم الجرافيك و حبيته أكتر الحقيقة.
•كيف اكتشفت موهبتك ؟
_عندما كنت أمسك القلم من صغري و بلاقي نفسي بحاول أرسم أي حاجة حواليا، و مع الوقت لقيتها بتطلع بشكل كويس فحبيت أخد ده بطريقة تانية لحد ما لقيت رسمي بيطلع بشكل جميل من غير ما أتعلم، حينها أدركت أنها موهبة كبيرة.
•ما الأدوات التي تساعدك لمجالك؟
_اللاب توب، عقلي يمكن أنا شايف أن أهم أداة فالشغل هي العقل لأنها بتديك أفكار، اللاب توب مجرد طريقة بترسم عليها أفكارك.
•ما الذى يميزك عن غيرك في مجالك؟
_أفكاري بعيد عن طريقة التنفيذ اللي أنا شايفها سهل تتقلد بين المصممين بس صعب تلاقي ناس بنفس الأفكار، و أنا شايف أن دي أحسن حاجة عندي.
•تنصح بأيه الشباب اللى حابه تبدأ في المجال ؟
_أنصحهم أنهم مهما عدت عليهم ظروف تخليهم يملوا من التعلم و كدة يفضلوا مكملين للآخر، لأن الطريق ممكن يبان طويل فالاول بس فالآخر الدنيا بتكون أسهل بكتير .
•أتغلبت أزاى على مشكلة التكرار أو التقليد مع تصاميمك في البداية ؟
_كنت بحاول اتغلب علي دة أني بشوف أفكار كتير جدًا، و دي حاجة إسمها تغذية بصرية بتخليك تأخذ خبرة و تشوف الطريقة اللي الناس شغالة بيها الفترة دي، و بدل ما بتقلد فكرة واحدة فاللآخر بتلاقي نفسك عملت خليط بين كل الافكار اللي أنت شوفتها و طلعت بيها حاجة مختلفة، مع أن أساسها أفكار أتعملت قبل كدة.
•بتتصرف أزاى لو حد قلد تصميم ليك؟
_يعني مش شايفها مشكلة كبيرة الحقيقة، ممكن حد يحاول يقلد نفس الفكرة بس ميعرفش يطلعها بنفس الجودة أو بطريقتي عالاقل، بعتبرها حاجة حلوة أنه عجبه حاجة عملتها و حاول يعمل زيها.
•ما الصعوبات الذى واجهتك ف البداية ؟
_كلام الناس المحبط و أن المجال ده عمومًا مش متقدر بالشكل الكافي، يمكن برضو أني أخدت فترة كبيرة علي ما قدرت أخد خبرة و أتعود و كدة.
•ما هو آخر شئ صممته، وعلى أى أساس تقوم بالتصميم ؟
_آخر حاجة صممتها كانت دي بعنوان "الدور الخاطئ"، بصمم عمومًا علي أساس فكرة بتكون فدماغي، بعتمد على الفكرة الأول و بعدين أحاول اطلعها بأحسن شكل ممكن، يعني هنا كانت الفكرة الناس اللي بيفكروا بقلبهم، و أن ده بيسبب مشاكل، فخليت القلب مكان العقل ودي فكرة العنوان "الدور الخاطئ" وبسبب المشاكل اللي هيسببها دي في نار حوالين القلب.
