حوار : كنزى سعيد
- الفنان" وائل سامي" ممثل مصري ، يسكن في كايرو ،حاصل علي ليسانس حقوق و يبلغ من العمر 41 سنه ، من مواليد 1981 ، ومنفصل
• امتى اول مرة قدمت فيها مشهد تمثيلي ؟ وكان ايه ؟
- كان فيلم فتح عنيك مع النجم " مصطفي شعبان "
• مين هو ممثلك المفضل ؟
- الفنان " خالد النبوي "
ايه هو فيلمك المفضل ؟
- افلام كتير مش فيلم واحد علي سبيل المثال فيلم " الأرض " للأستاذ
"يوسف شاهين "
• مين هو الداعم الأكبر ل وائل سامي ؟
- اخويا و اختي
• هل كان حلم وائل سامي منذ الصغر التمثيل أم شيء آخر؟
- لا هو انا كنت بحب السينما جدا و الافلام وانا صغير .. بس كنت بحب الكورة جدا وكان نفسي اطلع لعيب كوره عشان كنت حريف فيها
• مين الفنان اللي تتمني تمثل معاه ؟
- كتير ، بصي انا بعشق جيل " أحمد ذكي و " عادل إمام " و " محمود عبد العزيز" آخر جيل العباقرة وكان ليا الحظ الحلو انى اشتغلت مع الاستاذ الكبير
" نور الشريف " و " محمود ياسين "
• ايه أبرز الادوار اللي انت اديتها وكانت نقله نوعيه في حياتك ؟
- الادوار اللي انا عملتها و عرفتني علي الناس وعرفت الناس بيا كان فيلم " واحد من الناس " كان وش الخير علي الناس اللي اشتغلت فيه و أولهم انا مع الاستاذ الجميل " احمد جلال " اشتغلت معاه كتير جدا وبحبه علي المستوى الشخصي
• بتحب الأعمال التلفزيونية المسلسلات الدرامية ولا بتحب السينما اكتر ؟
- بحب السينما جدا ، السينما هي السحر بالنسبالي
• عايزة سرد لأعمالك الفنية ؟
- اشتغلت في الاول ( فتح عينيك ، ظرف طارق ، مسجون ترانزيت ، أزمة شرف ، رسايل بحر ، بدل فائد ، عصابة الدكتور عمر ، خطه بديله ، االوتر ، بلبل حيران و مسلسل نكدب لو قولنا مبنحبش ، و مسلسل تفاحة آدم )
- وكانت بدايتي في الموديلينج كنت موديل اعلانات وكليبات وبعد كده اتجهت للتمثيل .