كتب أحمد عبد الحميد
في جولة تفقدية للرئيس عبدالفتاح السيسي لعدد من المشروعات بمصر القديمة والقاهرة التاريخية، تحدث الرئيس مع مجموعة من المواطنين الذين تصادف وجودهم أثناء مروره، للاستفسار عن أحوالهم المعيشية ومطالبهم.
وقال عامل في أحد المخابز خلال فيديو عرضته رئاسة الجمهورية: «أنا بشتغل في فرن»، فسأله الرئيس: «العيش الحر بيتكلف كام بصراحة؟»، فرد عليه العامل: «الحر بنبيعه بنص جنيه، والعادي بنبيعه بشلن»، فرد عليه الرئيس: «العيش الحر أقل من تمنه.. أنت بتبيع الحاجة أقل من تمنها؟ أنا مصدقك»، فأجابه المواطن: «لأ مش ببيعه بأقل من تمنه».
وقاطع السيسي، العامل، قائلاً: «أنت مش عارف إن الرغيف بالدقيق والخميرة والعامل وبشوية الكهرباء والغاز والإيجار، بيتكلف 65 قرش، فلو أنت بتبيعه كده هقول ماشي بتمنه، بتعمل كام رغيف في اليوم؟» فرد عليه العامل: «على حسب المكنة اللي شغال عليها يعني مثلا 15 ألف في اليوم».