كتبت : روان أشرف
محمد كاسبر ممثل مصري ، أعزب ،خريج معهد الفنون المسرحية قسم تمثيل وإخراج ، شارك في مسلسل الأسطورة ومسلسل العمارة ومسلسل أنا وهي .
من هو الداعم الأكبر ل " محمد كاسبر " ؟
الداعم الأساسي ليا في كل حاجة هو أنا .
هل كان حلمك التمثيل منذُ الصغر ام شئ أخر؟
أه حلمي التمثيل والكورة من وأنا صغير .
متي قدمت أول مشهد تمثيلي ؟ وماذا كان ؟
أول مشهد تمثيلي كان مسلسل الاسطورة في ٢٠١٦ للكاتب " محمد عبد المعطي " وتأليف الأستاذ " محمد بوغا " ، وإخراج " محمد سامي " بالإضافة إلى المخرج المنفذ " محسن عبدالمنعم " .
عندما تنشهر وتنمو أعمالك، ماذا تريد أن تكون حينها ؟
نفسي أعمل أفلام ميوزيكال وأكشن جديد من نوعه متعملش في العالم العربي قبل كدة .
من هو الممثل المفضل لديك ؟ ولماذا ؟
الممثل المفضل ليا هو "جوني ديب " ، ليه علشان مدرسته مختلفة بيغير جلده في كل شخصية وبيهتم بالتفاصيل جداً ونفس المدرسة التمثيلية اللي أنا بشتغل عليها أني أكون مختلف ومميز دايماً .
في وقت الاستراحة القصيرة لمدة 5 دقائق خلال التدريب ماذا تفعل بها ؟
بذاكر تفاصيل الشخصية بشوف أنا عملت أيه قبل البريك وبعدل فيه للأحسن .
ماذا تفعل عندما لا تقوم بالتمثيل ؟
أكيد أي ممثل بيحب التمثيل لما مش بيشتغل بيكتئب بس أنا أكتائبي بكتب فيه وبألف أعمل إيه إن شاء الله في المستقبل .
ما هو العرض الذي كنت تتمني أن تفعله ؟
مفيش عرض كان نفسي فيه معملتهوش كل حاجة نفسي فيها بعملها علي المسرح .
ما أخر شئ تفعله قبل أن يتم رفع الستارة وتخرج علي خشبة المسرح ؟
أخر حاجة قبل رفع الستارة هي أني بلغي محمد كاسبر خالص وبكون الشخصية التانية اللي هتظهر للناس علي المسرح .