كتبت : روان أشرف
أحمد إسماعيل حسن ، ٢٣سنة ، خريج كلية تجارة جامعة بني سويف ، أعزب .
من هو الداعم الأكبر ل " أحمد إسماعيل " ؟
الداعم ليا هو والدي وولدتي .
هل كان حلمك التمثيل منذُ الصغر ام شئ أخر؟
حلمي من وأنا صغير أني اطلع ظابط ومكنش ليا نصيب ودخلت كلية تجارة ولما دخلت الجامعة بدأت أشوف المشاهد وأمثلها وأصحابي والناس المحيطة بيا كانو دايماً بيشجعوني وكانو شايفين أني بعرف أمثل وعندي موهبة وكاريزما .
متي قدمت أول مشهد تمثيلي ؟ وماذا كان ؟
بدايتي كانت إعلانات وأول إعلان كان النادي الأهلي ثم مسلسل الأختيار "١ " ثم مسلسل هجمة مرتدة ومسلسل النمر وأخيراً الأختيار الجزء الثالث إن شاء الله وكنت بنزل مجاميع في الأول كتير كنت بطلع اوردر وأوردرين في اليوم علشان أوصل لحلمي وهدفي والحمدلله ربنا كرمني دلوقتي .
عندما تنشهر وتنمو أعمالك، ماذا تريد أن تكون حينها ؟
أن أعمالي تستمر وأكون قدوة لأن التمثيل ده رسالة إيجابية ليها تأثيرعلى الناس وأقدر اسيبلهم بصمة بأعمالي .
من هو الممثل المفضل لديك ؟ ولماذا ؟
هو موضوع الممثل المفضل ده صعب من حيث الاداء لان ف ممثلين كتير مينفعش نقول ان ممثل افضل من التاني بس ممكن اقول من حيث الشخصيه اكتر حد بحبه امير كرارة طبعا وتامر حسني بحبهم جدا ، لاني الاتنين قصه كفاح جامده بدءوا من الصفر وليهم تاثير ايجابي جدا ف حياتي لاني انا كنت زيهم في بداية الطريق .
في وقت الاستراحة القصيرة لمدة 5 دقائق خلال التدريب ماذا تفعل بها ؟
في وقت الإستراحة لمده ٥ دقايق ببص حواليا وبركز في كل التفاصيل علشان لما اوصل ابقي فاكر اني كنت ف نفس المكان ده بس المرة دي انا بطل الفيلم او المسلسل اللي بعمله .
ماذا تفعل عندما لا تقوم بالتمثيل ؟
بلعب رياضه الرياضه دي شئ اساسي ف حياتي وبنزل ادرس ف ورش وبدرس علم نفس ولغه جسد بثقف نفسي ع قد ما اقدر .
ما هو العرض الذي كنت تتمني أن تفعله ؟
العرض اللي كنت بتمني اني اعمله ربنا مقسملنا وكتبلنا كل واحد فينا نصيبه ورزقه واللي معملتهوش مكنش ليا نصيب فيه فمكنتش بتمني اعمل دور او عرض حد انا بفرح لكل فنان ونفسي كلنا ننجح وربنا يكرمنا كلنا .
ما أخر شئ تفعله قبل أن يتم رفع الستارة وتخرج علي خشبة المسرح ؟
بركز في الدور اللي هعمله وبلغي شخصيتي خالص وببقا الشخصية اللي هتطلع علي المسرح .