كتبت : روان أشرف
محمد أبو حمامة ، ممثل مصري ، ٣٢ سنة ، خريج كلية تجارة ٢٠١١ والمعهد العالي للفنون المسرحيه قسم دراما ونقد مسرحى عام ٢٠١٨.
من هو الداعم الأكبر ل " محمد أبو حمامة " ؟
الداعم الأكبر ليا هو والدي هو أول من أمن بيا وشجعني والفضل ليه بعد ربنا سبحانه وتعالي .
هل كان حلمك التمثيل منذُ الصغر ام شئ أخر؟
وأنا صغير حلمت أني أكون دكتور وصدقت روحي وأجبرت اللي حواليا يعاملوني كدة ، ومرة تانية حلمت أكون مهندس علشان أقدر أبني بيت ليا فوق الشجرة وحلمت أكون محامي علشان أدافع عن الحق ، وحلمت أكون مطرب بالرغم من أن صوتي عادي بس كنت مصدق روحي ولما أبتديت أكبر وافهم وأنضج لقيت أن المهنة الوحيدة اللي هتخليني دكتور ومهندس ومحامي هي التمثيل .
متي قدمت أول مشهد تمثيلي ؟ وماذا كان ؟
أول مشهد كان من خلال الاذاعة المدرسية في إعدادي وكنت متوتر جداً بس كنت فرحان علشان اتغلبت علي كل اللي قالولي مش هتعرف تقف قصاد الناس وتنطق وكان مشهد من تأليف أستاذ المدرسة وساعتها أول واحد قالي أنت فنان .
عندما تنشهر وتنمو أعمالك، ماذا تريد أن تكون حينها ؟
عايز أكون مع الناس قريب منهم حاسس بيهم وأعبر عنهم .
من هو الممثل المفضل لديك ؟ ولماذا ؟
الفنان "أشرف عبدالباقي " كان من أوائل الداعمين ليا في بداية مشواري وقدمني أول مرة سنة ٢٠٠٩ من خلال راجل وست ستات الموسم ال "٨ ،١٠" أشرف هو اللي علمني أن الفنان والنجم مش اللي يكون في برج عالي بعيد عن البشر بل بالعكس الفنان الحقيقي هو اللي يكون صوت الناس وضميرهم علمني كتير وبكن ليه كل الإحترام والتقدير .
في وقت الاستراحة القصيرة لمدة 5 دقائق خلال التدريب ماذا تفعل بها ؟
في وقت الاستراحة بسمع مزيكا .
ماذا تفعل عندما لا تقوم بالتمثيل ؟
بلعب رياضة " الجيم " ، الرياضة بالنسبالي زي الأكل والشرب مقدرش اعيش من غيرها .
ما هو العرض الذي كنت تتمني أن تفعله ؟
بحلم بعرض موزيكال أكون فيه الممثل والمطرب والمؤلف .
ما أخر شئ تفعله قبل أن يتم رفع الستارة وتخرج علي خشبة المسرح ؟
بقرأ قراءن وبحافظ علي تركيزى بعيد عن اي شوشرة حتي لو كانت الدنيا من حواليا مقلوبة .