كتبت / روان اشرف
مصطفى عماد إكرام ٢1 سنة ، طالب بالمعهد العالي للفنون المسرحية قسم تمثيل وإخراج ، أعزب .
من هو الداعم الأكبر ل "مصطفي عماد " ؟
اكبر حد داعم ليا هيا امي .
هل كان حلمك التمثيل منذُ الصغر ام شئ أخر؟
أه كان حلمي من وانا صغير التمثيل ، وكنت بحب اتفرج علي مسلسلات وافلام كتير اوي واقول أنا هبقي زيهم أن شاء الله لحد مخلصت ثانويه عامة وكنت عاوز اتعلم تمثيل اكتر ف سافرت القاهره عشان أنا من الصعيد ، وكان عندي مشكله كبيره وهيا أن اهلي رافضين تماماً مبدأ التمثيل ف دخلت أداب فلسفة وكنت بشيل السنة عشان كنت بحب اشتغل ف مسرح الجامعة وسنه تانية حولت اداب لغات شرقية وكنت مهتم بردو ب مسرح الجامعه ف لما اهلي لقيوا اني مش مهتم بالكليه فسابوني أروح اقدم ف معهد التمثيل ودخلت الحمدلله بس كنت مفكر اني اول م هروح الدنيا تمام وكده بس طلع المشوار صعب اوي اوي واللي كنت ببني فيه ف الصعيد جيت للقاهره وبدءت من الصفر بس انا مكمل ف الطريق لحد ما ربنا يكرمني .
متي قدمت أول مشهد تمثيلي ؟ وماذا كان ؟
اول مشهد تمثيلي كان فى 2016 ف مسرحيه بس مكنتش بتكلم دور كومبرس بس تاني سنه أخدت بطوله المسرحية ، اسم اول عرض "الاغتصاب" ومسرحية تاني سنة أسمها "عرس الدم " .
عندما تنشهر وتنمو أعمالك، ماذا تريد أن تكون حينها ؟
عاوز أعمل اعمال كتيرة أوي أوي لدرجة ان الناس تبقي عارفاني أوي أوي ف الناس تبقي مبسوطة لما تشوفني ، في ناس بتبقي طايرة من الفرحة لما تشوف نجم أو فنان ف انك تسعد حد دي حاجه كبيرة وكمان لما الاقي حد محتاج مساعدة أكون أول حد يقف جنبه وقتها بس هحس أني عملت اللي بحلم بيه من وأنا صغير .
من هو الممثل المفضل لديك ؟ ولماذا ؟
بحب احمد ذكي الله يرحمه ، عشان تمثيله بسيط وطبيعي ومصدق كل كلمة بيقولها وأي دور كان بيعمله .
في وقت الاستراحة القصيرة لمدة 5 دقائق خلال التدريب ماذا تفعل بها ؟
أكيد لو فيه تدريب وخدت استراحة خمس دقايق هشرب مياه وأراجع اللي خدته وأجهز للجديد .
ماذا تفعل عندما لا تقوم بالتمثيل ؟
أعمل أيه لما مش بمثل بصي هو أنا جيت البلد هنا عشان اشتغل تمثيل وبس لدرجه أني سايب الشغل عشان أروح البروفات من بروفتين مثلاً ف عرضين ع كام ورشه ف بعمل خمس حاجات بجانب الدراسة ف يومي يتمثل في دراسه الصبح ف المعهد وبالليل ورشه تمثيل وبروفات .
ما هو العرض الذي كنت تتمني أن تفعله ؟
نفسي أعمل عروض كتيرة أوي بشخصيات اكتر واكتر عشان اخد خبره اكتر ف مبسوط بدل عرض عملته ونفسي اعمل عرض كوميدي مثلاً لأني مثلت كتير تراجيدي .
ما أخر شئ تفعله قبل أن يتم رفع الستارة وتخرج علي خشبة المسرح ؟
أخر حاجة بعملها قبل ماتتفتح الستارة هي اني أقرأ الفاتحة وأشوف الجمهور واكون عامل لنفسي جو هادئ واسمع موسيقي مناسبه تدخلني ف الموود الناس ممكن تتوتر من الجمهور لكن أنا بتوتر لو مافيش ناس كتير بحب اوي الجمهور يكون مالي المسرح .