بقلم. نانسي ذكي
الفنانةليلى مراد ولدت في الاسكندريه ، 17 فبراير 1918 - القاهره ،21 نوفمبر 1995) مغنيه وممثله مصريه مشهوره اتولدت فى حى محرم بك فى اسكندريه. والدها كان المغنى والملحن ابراهيم زكى موردخاى ( زكى مراد ) اللى كان من اسكندريه و اللى أدى أوبريت العشره الطيبه اللى لحنها الموسيقار سيد درويش.
وأمها يهوديه مصريه من اصول بولنديه اسمها جميله .
ايضا تخرجت ليلى مراد من مدرسة راهبات نوتردام ديزابوتر للبنات فى حى حلميه الزيتون فى القاهره .
و ابتدت تغنى و هيه عندها 14 سنه و اتعلمت الغنا على ايد أبوها والملحن المعروف داود حسنى اللى اكتشف موهبتها فى الغنا ، و ابتدت غنا فى الحفلات الخاصه وبعد كده فى الحفلات العامه بشكل محدود وبعدين غنت فى الاذاعه وبدأت تشتهر.
ابو ليلى مراد كان الملحن و المغنى زكى مراد اللى قام ببطولة اوبريت " العشره الطيبه " ل سيد درويش خلف هوه ومراته جميله 3 اولاد (مراد وابراهيم ومنير) و 3 بنات (ملك وسميحه وليلى).
ليلى مراد كانت اول واحده تحط رجليها بجداره على سلم الغنا الاستعراضى و بعدين السينما الاستعراضيه المصريه. أبوها زكى مراد كان عهد بيها ل داود حسنى اللى لحن ليها اسطوانات و اقنعها فكرى اباظه بالطلوع على خشبة المسرح سنة 1932.
و بعد ما خوفها من الظهور على المسرح اتبدد اختارتها بهيجة حافظ عشان تغنى فى فيلم " الضحايا " بلحن من محمد القصبجى.
بعد ما اتنشئت الاذاعه اللاسلكيه الحكوميه سنة 1934 بدأ يلمع نجم ليلى مراد و زادت شهرتها و تألقها عن طريق السينما. ارتبط اسم ليلى مراد ب انور وجدى بعد اول فيلم ليها معاه ( ليلى بنت الفقراء ) و اتجوزو سنة 1945.
اخر افلام ليلى مراد فى السينما كان فيلم " الحبيب المجهول " مع حسين صدقى و بعده اعتزلت التمثيل. و بعد ثورة 23 يوليه اضطهدت و اتهمت ظلما بعد سنة 1956 بانها اتبرعت لاسرائيل بفلوس لكن بعد التحقيقات ظهر ان التهمه كانت كاذبه و ملفقه هيه و تهم تانيه.
الوفاه
توفيت ليلى مراد فى القاهره فى 21 نوفمبر 1995 واتكرمت فى مهرجان القاهرة السينمائى الدولى سنة 1998.
وكان من اغانيها
يا طبيب القلب
حيرانه ليه بين القلوب
يا سارقني برموش العين، كلمات: حسين السيد، لحن: عزت الجاهلى مين يشتري الورد....الخ