حوار : أسماء خالد احمد
شريف اسماعيل ، ممثل مصري ، ٢٨ سنة ، ليسانس اداب قسم دراما ونقد مسرحى جامعة عين شمس.
من هو الداعم الاكبر ل " شريف اسماعيل" ؟
الداعم الأكبر ليا هى امى واخويا هما اللى شجعونى وكانوا اكبر داعمين ليا بعد ربنا سبحانه وتعالى.
منذ متى وانت تمتلك موهبة التمثيل؟
انا بمثل وانا عندى ٢٢سنة الموضوع بدا أن أنا دخلت الجامعه مكنش ليا علاقة بالتمثيل لما دخلت الجامعه دخلت قسم نقد ودراما مسرحى دة قسم فى عين شمس اول أما دخلت كنت داخل على أساس أنى هشتغل ناقد مسرحى ليها علاقة بالمسرح من برة مالهوش علاقة بالتمثيل ولما بدات اشوف البروفات والتمارين بدات احب الموضوع وبدأت اشوف نفسي فية .
ماذا كان اول مشهد تمثيلي؟
كان فى عرض سيره بنى زوال عرض صعيدى كنت عامل فية بطولة تانية ف العرض وربنا كرم والعرض اخد احسن تالت عرض فى المهرجان وبعد كدة بدأت المهنة وعملت 15 عرض وحوالى 12 فيلم قصير وعملت مسلسل واحد بتاع ليالى الحلمية الجزء السادس .
ما هو أول اختبار ليك؟
كان فى ورشة خالد جلال فى مركز الإبداع الفنى فى الابرا ودة كان اصعب اختبار لأن الاستاذ خالد جلال هيبة كبيرة.وقبلت ف الورشة وبقيت حاليا ف الدفعة الثالثه فى مركز الإبداع الفني ويمكن دة اصعب اختبار تمثيل عدى عليا وحاليا فى ورشة الاستاذ خالد جلال.
احساسك ايه لما دخلت مركز الإبداع الفنى وانك هتشتغل ممثل تحت قيادة الاستاذ خالد جلال؟
من ساعت ما دخلت المجال وانا طموحى وحلمى أنى ادخل المركز الابداعى الفنى لأن ولدى وولدتى كانوا شغالين فى مصنع البلون هما مش ممثلين ولدى كان مدير قاعة صلاح شاهين وي ولدتى مديره شئون مالية وإدارية وهما اللى حبيبونى فى المسرح وكان ديما لما اتكلم عن التمثيل يقولى ادخل ورشة الاستاذ خالد جلال لحد اما بدات ناس من زمايلى يروحوا الورشه ويدخلوا ف الدفعات القديمة وبدأت اسمع قصص وحكايات عن ورشة خالد جلال فيها حاجات بطلع فن وإبداع غريب ف روحت اتفرجت ف العرض هناك انبهرت حسيت أن أنا نفسي اقف على الخشبة دى نفسي اتعلم من استاذ خالد جلال لانو بجد قيمة وقامة فنية كبيرة وإنسانية كبيرة ف روحت وقدمت زي اي حد من ضمن الالف راحو قدموا واللى بيميز استاذ خالد جلال أن هو بيعرف الموهب وبعرف اللى عندو فن ف اختارنى ودخلت الورشه وحاليا احنا ف التدريبات ف بروفات الاعداد أن احنا نطلع عرض مسرحى وطبعا كل بروفة مفيش كلام يوصف مدى الاستفادة اللى بستفادها منو بجد الاستاذ خالد جلال طلع واقعى جدا وهو راجل مبدع وفنان وانسان اكتر من اي حاجه ودة اللى مخلية متميز كمان فى الفن لا الفن مش بيعتمد على انك فنان بس بل بيعتمد على انك تكون انسان من جواك ف دة اللى خلانى حابب يمكن اكتر بروفة بستنها تبدأ عشان حابب اكون موجود وحابب اطلع شغل المكان هناك طاقه ودة اللى بيساعدك ف انك تكون فنان مبدع ويمكن دة حاجة من الحاجات اللى بيشتغل عليها الاستاذ خالد جلال يمكن مش ظهره للعالم بس قبل أما بيطلع عروض بيطلع من الفنان الإنسان اللى جوة بيطلع احاسيسه ومشاعر وبيبنى راجل مسئول يكمل بعد كدة حياه .
من هو الممثل المفضل لديك ؟ ولماذا ؟
الفنان عادل امام لانو سيطر على الفن لمدة ٥٠ سنة وعندو كاريزما ويمتلك قبول وحب غريب طاغى معادية ٨٠٪ من مشواره الفنى
والفنان احمد زكى بسبب اجتهاده وطريقة شغلة فى الدور وطريقة اخلاصة بالفن ودة من أكبر حاجة مخلايانى نفسي ابقى زى الفنان احمد زكى .
ما الانتقادات التي واجهتك وكيف تغلبت عليها؟
هو مش إنتقادات سواء انت ممثل وحش ولا حلو دى اوقات بتعدي ولكن اوقات بيجيلى كتير أن انت ناقصك حاجات في التمثيل دى بشتغل عليها دى إنتقادات ممكن تخليك تكمل لكن فى إنتقادات فى بداية اي ممثل أو فى بداية الفن أن المجال دة صعب وان المجال دة مش سهل انك توصل وتحقق حاجة معينة ديما فى تخوفات من المجال بالذات على اساس انك نتوصل ولا لا ف دى بتبقى إنتقادات مش فنية اكتر من إنتقادات انك ماشي في الطريق اصلا ف دى يعتبرها اسوء إنتقادات ممكن تيجى لاي حد فى مجال الفن .
ماهو العرض التى كنت تتمنى أن تفعلة؟
انا بحب التمثيل عمتا ف أحب أن أنا أعمل عروض كتير مش عرض معين مفيش حاجة معينة فى دماغى أنا عايز أمثل معظم العروض الموجودة ف مفيش حاجة أساسية عايز اعملها .
ماذا تفعل عندما لا تقوم بالتمثيل ؟
هى الفترة اللى مش بكون فيها بمثل فى حاجات بنعملها احنا كممثلين بنطور بيها زى القراءه أو تمارين ليها علاقة بالتمثيل أو بنتقرح على افلام .
ما اخر شيء تفعله قبل الصعود إلى المسرح والبدء بالعرض؟
قبل صعود اي حد على المسرح بيبقى فى حالة من التوتر سائدة في الكواليس توتر على شغلك وانك تقدم شغلك اللى تعبت فية وهل الناس هتحبوا وتتفاعل معاه ولا هيبقى مش قوى هو دة بيبقى الخوف اللى موجود قبل العرض بس بتبقى لحظات حلوة وطبعا بقرأ قرأن.