حوار : كنزى سعيد
- الفنان " أحمد خالد " من سوهاج ، ويبلغ من العمر 22 سنه ، كاتب و ملحن و موزع موسيقي و علي رأسهم الغناء
• امتي اكتشفت ان عندك موهبة الغناء ؟
- من الطفولة
• مين الداعم الأكبر للفنان أحمد خالد ؟
- مش عايز ارد ردود دبلوماسية بس في الحقيقة الداعم الوحيد و المؤثر فيا هو " نفسي " كل التحفيز و الطاقة بحاول اكتسبها منى
• ايه النوع الغنائي الأقرب لقلبك ؟
- الفن مش محجم او مخصص " المزيكا " انك تقدم شيء يوصل لقلوب الناس بدون اي تعقيدات او شرح كتير ، وانا بسمع شيء بس قليل لما حاجه توصل و تحديدا في وقت زي دلوقتي
• ايه الاغنية اللي حققت نقلة نوعية في حياتك ؟
- ك نقلة نوعية و وبشهادة الجمهور " قوي قلبك علي الفراق " و " بعمري شاريك " و " مالناش نصيب " ده الترتيب بالأولوية وبعدهم باقي الاعمال ..
• اكتر اغنية حققت نسبة مشاهدة ؟
- " قوى قلبك علي الفراق " حققت 63 مليون مشاهدة لحد الآن الحمد الله
• هل تلعب وسائل الإعلام دور في صعود أو هبوط الاغنية ؟
- أكيد حسب تعليقاتهم اذا كانت إيجابية او سلبية لان الوسيط اللي بينك وبين الجمهور هو وسائل الإعلام
• لية معملتش لقاء تلفزيوني برغم من نجاحك و موهبتك العالية ؟
- يمكن عشان مجاش اللقاء اللي يليق بموهبتي العالية و ده ثقه الحمدلله مش غرور ، الغرور ده صفة أساسية في فشل و هبوط أي شيء ناجح
• مين المطربه والمطرب المفضلين ليك ؟
- انا كبرت علي جيل كامل مقدرش اقولك اجابة تخليني اظلم أسماء تانية مذكرتهاش ، انا مش مستمع انا صانع و عشان كده صعب اديكي اجابة لان حبيت وسمعت و اتعلمت من ناس كتير ف اي ذكر لأي شخص هيخليني اظلم ناس تانية مذكرتش اسمها
• بتحضر لأعمال فنية الفترة اللي جاية ؟
- إن شاء الله في اكتر من عمل خلصان و بنستعد في اختيار انسب وقت لنزوله للناس .
• أعمال الفنان أحمد خالد
- " وجع الفراق " ، " بالسلامة " ، " بعمري شاريك " ، " مالناش نصيب " ، " متغيبيش " ،" الغالي غاب " ، " قوى قلبك علي الفراق " ، " فينك حبيبي " ، " حالى في البعاد " ، " مايستاهلوش "
، " لسه بتوحشيني " ، " لسه البداية " ، " اوضه ضلمة " ، " مالناش غير بعض " ، " تايهين " ، " مستنيها ترجعلي "