بقلم : د. ثناء خلف الله العمدة
دى الناس اللى شقيانه فى زرعها تلاقيها
أصيلة عشريه من يومها تحبك كل يوم أكتر ...
بقلب عصفور أبيض يغرد فى بساتينك
زيهم ماتلاقى حبيب صاحب
فى وقت الهم يتصاحب
ياخد من مكاتيبك ويكتب اللى يجيبك
لقلبه طايع راغب
يحبك يخاف عليك من غير صلح ومصالح
ينادى تسمعه بنبضك
من ودة ماتشبع يوم
من عينه ماتروح ثانيه ولا ساعه
ومن قلبه قريب جوانى
يسمع نبض كل كلامك
ويسمع زبذبه اناتانك
يا صحبى أوعى الغالى يغشك
بتراب فلوسه يغشك
معاه ماتلاقى أى امان كأنه شطان ومتسلسل
بماله وعزة مترسم
على خلق الله متبسم
كأنه لا قبلة ولا بعده
ولا جاب الزمن سعده
وهو عايب فى زفراتة
واعلم بكل حركاتة
تشوفه متصابى .. بيمشي يهد ويصابى
وكل كلامة مايشبع ولا يغنى
ولو فى أزمة ماتلاقية
ولو ف الفرح أولهم
تحسه مايختشي منك
ولا إحساسة صادق يوم
على طول تلاقى كذب ف ضحكته وألمة
كأنوا راوى متمكن
على خداع الناس اتمكن
ك توب عايب فى ليل شتا
ما يستر ولا يدفى
لو تتغطى بيه عريان
لا تقدر تصدق وعده ولا تحس معاه بأمان
فى الكذب متأصل .. لا يوم خاف ربه ولا ناسه
ولا صادق فى احساسة جبان طماع
كل حاجه لطماعة مسوقها
يلف عليك كتعبان محوى من سمه ....
فاكر نفسك تعرفه كويس!!
مفجئاتة كلها خسه
ولا يكونشى مريض نفسي؟
واحنا عنه ما ندرى!!!
سبحانه مؤلف قلوب خلقة
وجبره قريب
قول يارب وأرمى الخسيس وانسى تبص وراك
دة رب الكون قادر يمحى كل جراح ...
خذلان البشر دايم
ورب البشر ف أيدة الحل والعقدة
وقادر وفرجة قريب
اللى بينه وبينك دعوة
أدعوها من قلبك علشان القلب يطمن
يولع شمعه وينور
فى عتمة كل أيامك يعينك فى سبيل غايه
لرب العزة واهبها بصدق وحسن تدبيرة
هيوصلك لباب حلم مستنى
على أعتابه متمنى
هتوصل وغيره مايعينك وعمرة ف يوم ماهيضيمك